ໃນລະຫວ່າງວັນທີ 17 ຫາ ວັນທີ 21 ກຸມພາ 2020 ທີ່ຜ່ານມາ. ທີມງານໂຄງການຜະລິດກະສິກຳເປັນສິນຄ້າຢູ່ ສປປ ລາວ ໄດ້ເຂົ້າຮ່ວມທັດສະນະສຶກສາ ແລກປ່ຽນບົດຮຽນ ກ່ຽວກັບການນຳໃຊ້ເຄື່ອງມື Geo-mapping Technology ແລະ Geo-tagging Technology. ໃນການເຂົ້້າຮ່ວມກອງປະຊຸມແລກປ່ຽນບົດຮຽນໃນຄັ້ງນີ້ ນໍາທີມໂດຍ ທ່ານ ທິບພະວົງ ອຸ່ນຫລ້າ ຮອງຫົວໜ້າກົມນະໂຍບາຍ ແລະ ນິຕິກຳ, ກະຊວງກະສິກຳ ແລະ ປ່າໄມ້ ພ້ອມດ້ວຍຜູ້ເຂົ້າຮ່ວມຈາກ ບັນດາຜູ້ຮັບຜິດຊອບວຽກງານໂຄງການ ຈາກຂັ້ນສູນກາງ ແລະ ຂັ້ນແຂວງເຊັ່ນ: ຜູ້ປະສານງານຂັ້ນສູນກາງ-ຂັ້ນແຂວງ, ວິຊາການຈາກກົມວິຊາການຂັ້ນສູນກາງ, ວິຊາການກະສິກຳ ແລະ ປ່າໄມ້ ແລະ ອຸດສາຫະກຳ ແລະ ການຄ້າ ຂັ້ນແຂວງ ແລະ ທິມງານທີ່ປຶກສາຈາກຫ້ອງການປະສານງານຂັ້ນສູນກາງ.
ຈຸດປະສົງໃນການເຂົ້າຮ່ວມກອງປະຊຸມໃນຄັ້້ງນີ້ ແມ່ນເພື່ອແລກປ່ຽນບົດຮຽນໃນການນຳໃຊ້ເຕັກໂນໂລຊີຂໍ້ມູນຂ່າວ ສານ, ເຄື່ອງມືທີ່ທັນສະໄໝເພື່ອນຳໃຊ້ເຂົ້າໃນວຽກງານ ການວາງແຜນ, ການຕິດຕາມ ແລະ ກວດກາ ການຈັ້ດຕັ້ງປະຕິບັດກິດຈະກຳຂອງໂຄງການເພື່ອໃຫ້ເຫັນ ກ່ຽວກັບ ເຂດພື້ນທີ່ການຜະລິດ, ເນື້ອທີ່ການຜະລິດ ແລະ ຄວາມຄຶບໜ້າໃນການຈັດຕັ້ງປະຕິບັດຂອງແຕ່ລະກິດຈະກຳ.
ໃນການໄປທັດສະນະສຶກສາ ແລກປ່ຽນບົດຮຽນໃນຄັ້ງນີ້ ແມ່ນໄດ້ມີການປຶກສາຫາລືເພື່ອຖອດຖອນບົດຮຽນ ກ່ຽວກັບການນຳໃຊ້ ໂປຼແກມ ແລະ ແອບພລີເຄຊັ່ນຕ່າງໆ ເພື່ອຊ່ວຍໃນການຕິດຕາມ ແລະ ກວດການໂຄງການຍ່ອຍຕ່າງໆເຊັ່ນ: ໂຄງການສ້າງອາຄານ, ໂຄງການກໍ່ສ້າງທາງ, ໂຄງການສ້າງສາງເຢັນ, ການຕິດຕາມກວດກາເຂດພື້ນທີ່ການຜະລິດ ແລະ ອື່ນໆ. ນອກຈາກນັ້ນ ຍັງໄດ້ລົງຢ້ຽມຢາມເຂດພື້ນທີ່ການຜະລິດຕົວຈິງ ແລະ ເຂດທີ່ມີໂຄງການກໍ່ສ້າງ ຢູ່ ເມືອງຕາລາເວລາ ແລະ ເມືອງປາລາຢານ. ຊື່ງໃນໄລຍະການໄປແລກປ່ຽນແມ່ນສາມາດຖອດຖອນບົດຮຽນໄດ້ ກ່ຽວກັບ ການນຳໃຊ້ເຕັກໂນໂລຊີຂໍ້ມູນຂ່າວສານທີ່ທັນສະໄໝ, ການສ້າງຖະໜົນຫົນທາງເພື່ອເຊື່ອມໂຍງຕະຫລາດຫາຊາວກະສິ ກອນຫາຕະຫຼາດ, ການເກັບມ້ຽນຫລັງການເກັບກ່ຽວໂດຍນຳໃຊ້ສາງເຢັນ, ລະບົບກົນໄກການຜະລິດ ແລະ ການຢັ້ງຢືນ, ການບໍລິຫານຈັດການພື້ນທີ່ການຜະລິດ, ນະໂຍບາຍການສົ່ງເສີມ, ການມີສ່ວນຮ່ວມລະຫວ່າງ ລັດ, ເອກະຊົນ ແລະ ຊາວກະສິກອນ ແລະ ອື່ນໆ ທີ່ທາງໂຄງການຈະນຳໄປຜັນຂະຫຍາຍໃນການຈັດຕັ້ງປະຕິບັດໃນໂຄງການຂອງ ສປປ ລາວ.
