ໃນລະຫວ່າງວັນທີ 18 – 22 ມີນາ 2019 ຄະນະປະສານງານ ແລະ ທີມງານທີ່ປຶກສາ ຂອງຫ້ອງການປະສານງານຂັ້ນສູນກາງ ໄດ້ລົງເຄື່ອນໄຫວເຮັດວຽກພາກສະໜາມ ເພື່ອນຳສະເໜີກ່ຽວກັບ ແຜນການຈັດຕັ້ງປະຕິບັດວຽກງານ ແລະ ຕິດຕາມປະເມີນຜົນ ຂອງໂຄງການຜະລິດກະສິກຳເປັນສິນຄ້າຢູ່ ສປປ ລາວ ທີ່ແຂວງ ບໍລິຄຳໄຊ ແລະ ແຂວງຄຳມ່ວນ.
ຈຸດປະສົງຂອງການລົງເຮັດວຽກພາສະໜາມໃນຄັ້ງນີ້ແມ່ເພື່ອ ເຜີຍແຜ່ກ່ຽວກັບວຽກງານ ການຕິດຕາມການປະເມີນຜົນ ຂອງການຈັດຕັ້ງປະຕິບັດກິດຈະກຳຂອງແຜນປີ 2019 ແລະ ໃຫ້ຄຳແນະນຳກ່ຽວກັບວິທີການນຳໃຊເແບບຟອມເກັບກຳຂໍ້ມູນໂຕຊີ້ວັດ ໃຫ້ແກ່ພະນັກງານປະສານງານທີ່ໄດ້ຖືກແຕ່ງຕັ້ງ ເພື່ອຮັບຜິດຊອບໃນການຕິດຕາມ ແລະ ປະເມີນຜົນໂຄງການ.
