ໃນລະຫວ່າວັນທີ 24 ຕຸລາ ເຖີງ 08 ພະຈິກ 2019 ຫ້ອງການປະສານງານໄດ້ລົງຊຸກ ແລະ ຕິດຕາມການຈັດຕັ້ງປະຕິບັດກິດຈະກຳຂອງໂຄງການ ຢູ່ໃນ 05 ແຂວງເປົ້າຫມາຍຄື: ແຂວງໄຊະບູລີ, ແຂວງວຽງຈັນ, ນະຄອນຫຼວງ, ແຂວງບໍລິຄຳໄຊ ແລະ ແຂວງຄຳມ່ວນ. ໂດຍມີຜູ້ເຂົ້າຮ່ວມຈາກພະແນກກະສິກຳ ແລະ ປ່າໄມ້ແຂວງ, ພະແນກອຸດສາຫະກຳ ແລະ ການຄ້າແຂວງ, ຫ້ອງການກະສິກຳ ແລະ ປ່າໄມ້ເມືອງ, ຫ້ອງການອຸດສາຫະກຳ ແລະ ການຄ້າເມືອງ ແລະ ຄະນະປະສານງານໂຄງການ ພ້ອມດ້ວຍທີມງານທີ່ປຶກສາ. ຈຸດປະສົງໃນການເຮັດວຽກໃນຄັ້ງນີ້ແມ່ນເພື່ອປຶກສາຫາລືກ່ຽວກັບແນວຄວາມຄິດ ແລະ ວິທີການເຊື່ອມໂຍງວຽກການຕິດຕາມການປະເມີນຜົນ ແລະ ບົບບາດຍິງຊາຍເຂົ້າໃນກິດຈະກຳຂອງໂຄງການ, ເຜີຍແຜ່ແມ່ແບບວຽກງານຊົນລະປະທານ, ສະໜັບສະໜູນການຮ່າງແຜນປະຈຳປີ 2020 ເພື່ອໃຫ້ສຳເລັດ ແລະ ຊຸກຍູ້ສະໜັບສະໜູນແຜນທຸລະກິດ.
