ໃນລະຫວ່າງວັນທີ 06 ເຖີງ 09 ແລະ ວັນທີ 13 ພຶດສະພາ 2020, ຄະນະປະສານງານໂຄງການຂັ້ນສູນກາງ ໄດ້ລົງຕິດຕາມ ແລະ ຊຸກຍູ້ຂັ້ນຕອນການຂຽນແຜນການລົງທຶນ ຂອງກຸ່ມຊາວກະສິກອນ ຢູ່ ແຂວງບໍລິຄຳໄຊ, ແຂວງຄຳມ່ວນ ແລະ ແຂວງໄຊຍະບູລີ. ກອງປະຊຸມໃນຄັ້ງນີ້ເປັນປະທານໂດຍ ທ່ານ ພູທອນ ສິຣິພັນທອງ, ຫົວໜ້າປະສານງານໂຄງການຜະລິດກະສິກຳເປັນສິນຄ້າ ຢູ່ ສປປ ລາວ ແລະ ມີຜູ້ເຂົ້າຮ່ວມຈາກພະແນກກະສິກຳ ແລະ ປ່າໄມ້ແຂວງ ແລະ ເມືອງ. ຈຸດປະສົງຂອງກອງປະຊຸມດັ່ງກ່າວແມ່ນເພື່ອແນະນຳການຂຽນແຜນທຸລະກິດຂອງກຸ່ມຊາວກະສິກອນ ໃຫ້ແກ່ກຸມຜະລິດເປັນສິນຄ້າ ແລະ ກຸ່ມຜະລິດເປັນແນວພັນ ເພຶ່ອໃຫ້ແຕ່ລະກຸ່ມໄດ້ຮັບທຶນສົມທົບຈາກທາງໂຄງການ ແລະ ນຳໄປໃຊ້ເຂົ້້າໃນຂະບວນການຜະລິດ. ເຊິ່ງໃນການຂຽນແຜນດັ່ງກ່າວແມ່ນໄດ້ແນະນຳລະອຽດກ່ຽວກັບ ການກຳນົດສະພາບລວມຂອງກຸ່ມ, ການວິເຄາະບັນຫາ, ການກຳນົດຈຸດປະສົງໃນການລົງທຶນ, ການຄາດຄະເນຜົນໄດ້ຮັບ ແລະ ອັດຕາການລົງທຶນ.
